Қирғизистон Россия олдидаги мажбуриятларини тўлиқ бажаради. Бу ҳақда президент вазифасини бажарувчи Садир Жапаров «Россия 24» телеканалига берган интервюсида айтиб ўтди.
У Қирғизистон ва Россия ўртасидаги муносабатлар яхши эканини таъкидлаб, муносабатлар ўзгармай қолишига ишонч билдирди.
«Ўзгариш бўлмайди ва агар ўзгариш қилсак, ўзаро манфаатли келишувлар тузилади. Бизнинг Россия билан кўп нарса боғлаб туради. Биз Россиянинг геосиёсий, ҳарбий ва иқтисодий ҳамкорлигини эътиборсиз қолдиролмаймиз», – деди Жапаров.
Таъкидлаш жоизки, халқ қўзғолони сабабли Сўўрўнбай Жээнбеков истеъфога чиққандан сўнг, Олий Кенгаш Спикери Канат Исаев Президент лавозимидан воз кечди. Натижада, давлат раҳбарининг ваколатлари вақтинчалик Бош вазир Садир Жапаровга ўтди.
